網絡詐騙多，美女交友，視像色聊，股神俾山埃貼士，昆網民接火棒，買山埃股，賭神P圖，曬事後飛，賣貼士，外圍網可能隨時消失，財務公司誘你借貸，要避免受騙，請避免以下行為。
1.於外圍網開設戶口，一來違法，二來贏錢你亦收唔到錢，可以參考新聞報導）
2.避免搵人代你落注,有的人話講出來好邪，但就可以代買。你連買佐乜都唔知。夾埋份份鐘俾人當外圍（輸佐追你數，贏佐未必收到）
部份馬評人亦提供收費心水，版主我本人亦曾嘗試提供，但你可以等同買報紙，睇資訊，但切勿相信有必中。如有必中，何須費盡口水賺你十元八塊。
4.另外 亦要小心微信女化身臉書男神，教你炒仙股，因為大多數情況都系搵你接火棒。窩輪。期指 散戶系永遠的羊，劏唔劏，劏邊返由莊家決定。
曾經有朋友信佐哩類詐騙廣告
我 問網友
如果條友有本事，一晚搵60萬
仲使唔使系Facebook賣廣告搵客賣貼士？
浪費時間口水賺你一千幾百？
如果有咁醒，馬會執佐好耐啦
#詐騙廣告
#小心
賭波貼士專頁最近開始有活躍跡象。騙徒技倆一如過往，游說有興趣者支付數千元或過萬元的入會費
，便可加入特定通訊群組，定期收到「必贏」賭波貼士
。貼文更展示不同的成功贏錢例子，吸引市民投注
。有貼文更聲稱可在兩天內把$500本金變成$60萬，真有咁筍？
當網民耗資入會之後，群組管理員便會巧立名目，推出不同級別的會藉。如要得到更快、更多、更獨家的貼士，便要再次課金，升級會藉。假如貼士不準確，對方便會以貼士並非100%準確為由拒絕退款。若然真的「貼中」，可謂純屬巧合！
騙徒透過社交平台WhatsApp / Wechat、SMS等主動接觸受害人，聲稱有「低風險高回報」投資計劃或「必贏貼士」，誘騙受害人將錢轉賬至假投資平台，之後偽造獲利紀錄或在初期給予受害人小額回報，誘使他們投入更多資金。當受害人想提款時，騙徒會以各種藉口拒絕或要求支付高額手續費。受害人最終蒙受巨額損失。